Studerer wiki i grunnskulen

Masterstudent Vegard Egner ser på kva moglegheiter og utfordringar bruk av wiki i grunnskulen gjev.

Gjennom intervju og observasjon av elevar som utviklar sin eigen wiki i klasserommet, har han undersøkt digital kompetanse, lærarrolla og sjølve læringsmiljøet. 

Teorigrunnlaget er først og fremst sosiokulturell teori og datastøtta samarbeidslæring (CSCL).

I studien sin fann han mellom anna eit behov for utvikling av ei eige "wiki-medvit" hos lærarane, og at wikiproduksjon gjerne kan utviklast gjennom tre fasar:

1) først i ei gruppe
2) gjennom klassen
3) ved hjelp av andre klassar/skolar.

Vegard Egner peikar i masteroppgåva si på at lærarane òg hadde store vanskar med å vurdera wikien, og produksjonen kravde sterkt fokus på kjeldekritikk og søkjestrategiar.

Velkomen til ein spanande presentasjon av ei ny masteroppgåve på HSH

tysdag 2.12 klokka 10.00, på SJU 149 – Rommetveit

Sensorar er førsteamanuensis Knut Steinar Engelsen, HSH, og førsteamanuensis Rune Krumsvik frå Universitetet i Bergen