HSH-logo med 20-årsjubileumsemblem

Kort om HSH

Montasje begge HSH-kampi
HSH sine to kampus: Stord (øvst) og Haugesund.

HSH er ein regional høgskule med om lag 3200 studentar og 300 tilsette. Vi tilbyr grunnutdanningar på bachelor- og masternivå og eit breitt utval av etter- og vidareutdanningar. I tillegg driv me fleire forskings- og utviklingsprosjekt. Vi har studiestader på Stord og i Haugesund.

HSH er tett på studentar, region og medarbeidarar. Vår eigenart er eit resultat av dei kunnskaps-, kompetanse- og ferdigheitsbehov det regionale arbeidslivet har. Vår utdannings-, forskings- og utviklingsaktivitet skal difor ha ei særskilt betydning for nyskaping og verdiskaping i regionen. Aktiviteten skal og ha høy nasjonal og internasjonal verdi.

Visjon:

Høgskolen Stord/Haugesund skal være ein akademisk drivkraft for kunnskapsutvikling og utdanning på Vestlandet.

Strategisk plan:

Høgskolen Stord/Haugesund sin strategiplan gjeld for perioden 2012-2016.

Faglege satsingsområde:

HSH har tre fagavdelinger med følgende fagprofil:

  • Avdeling for lærarutdanning og kulturfag: Undervising, formidling, forsking og utvikling innan våre ulike lærarutdanningar skal leggje særleg vekt på utvikling av fagleg, kreativ og innovativ kompetanse i skule og barnehage. Analyse av og refleksjon over bruk av teknologi som del av undervising og opplæring er eit viktig fokusområde.

  • Avdeling for helsefag: Undervising, formidling, forskning og utvikling innan helsefag skal særleg vektleggje omsorgsvitskap med fokus på folkehelsearbeid, samhandling og personsentrert omsorg til pasientar i langtidsforløp.

  • Avdeling for tekniske, økonomiske og maritime fag: Undervising, formidling, forskning og utvikling, og regionalt utviklingsarbeid innan dei tekniske, økonomiske og maritime fagområda skal ha spesiell relevans for den petromaritime næringsklynga i regionen. Vi skal ha særskilt fokus på teknisk sikkerheit, økonomisk og organisatorisk usikkerheitshandtering og komplekse maritime operasjonar.

Forsking- og utviklingsprofil

HSH har programorganisert forskings- og utviklingsaktiviteten innan følgjande fagområde:

  • Teknologi i undervising
  • Kultur og kreativitetspedagogikk
  • Livslang læring som samskaping for kvalitet i profesjoner
  • Nærings- og regionaløkonomiske analysar
  • Petro-maritim verksemd og offshoreoperasjonar
  • Teknisk sikkerheit
  • Klinisk helse- og omsorgsvitskap
  • Folkehelse og samhandling i eit langtidsperspektiv
  • Helsefagleg praksisutvikling og kompetanseheving

Nøkkeltal

Meir informasjon kjem.

Samarbeid

Sidan 2008 har HSH vore med i samarbeidet UH-nett Vest. Me har og ein samarbeidsavtale med Universitetet i Stavanger.

Aksjeeigar

HSH har i dag aksjar i Simsea (10 %) og ein liten aksjepost i Atheno.

Miljøfyrtårn

HSH vart i 2011 sertifisert som Miljøfyrtårn-verksemd.

Historikk

I 2014 jubilerer vi som høgskole. Det er 20 år sidan HSH blei skipa, og i 175 år har vi drive med lærarutdanning. I tillegg er det 140 år sidan styrmannskulen i Haugesund starta opp. Her har vi ei historie og kunnskap som få andre i landet kan skilte med.

Utfyllande historikk kan du lesa her (PDF, 2 sider)

Sida ble sist oppdatert: 14.11.2014