IKT i læring
IKT i fag. Pedagogisk forsking. Digital kompetanse i klasserommet. Ny lærarrolle. Digitale verktøy står sterkt i Kunnskapsløftet. Er du klar?
Kva kompetanse har du med master i IKT i læring?
Du har ein solid kompetanse og kvalifikasjon for å arbeida som lektor i grunnopplæringa (1.-13. klassetrinn).
Kva studerer du?
Studiet omhandlar bruk, integrering og utnytting av IKT i læringssamanheng. Det er ikkje eit studium i teknologi og i læringsteori som eigne disiplinar. Du studerer nye trendar innan IKT i læring, og får ei oversikt over utviklingsverktøy på ulike nivå. Me legg vekt på forholdet mellom læringsteoriar og digitalt orienterte læringsmiljø.
I studiet kan du velja mellom ein teknologisk orientert profil, ein fagdidaktisk profil med vekt på korleis digitale verktøy blir brukt i enkeltfag, og ein allmenndidaktisk profil med vekt på pedagogisk utviklingsarbeid.
I den fagdidaktiske profilen kan du velja fordjuping i realfag, kunstfag, språkfag, samfunnsfag eller andre fag. Dette gjer at du kan ta mastergrad i IKT i læring med fordjuping i for eksempel musikk, matematikk eller norsk.
I den teknologisk orienterte profilen kan du fordjupa deg i utviklinga av digitale læremiddel og utvikling av nettstøttalæringsmiljø.
I den allmenndidaktiske profilen kan ei fordjuping bli knytt til utviklingsarbeid
innan skuleleiing, skuleutvikling, rettleiing, tilpassa opplæring, eller andre relevante pedagogiske og/eller tverrfaglege tema.
Korleis studerer du?
Studiet er både kampus- og nettbasert. Det er to obligatoriske fellessamlingar i kvart studieår. I dei ulike profilane vil organiseringa av studiet bli tilpassa eigenarten i faga. Studiet kan gjennomførast på heiltid eller deltid (maksimal studietid for masterstudiet er fire år).
Korleis kjem du inn på studiet?
Studieåret 2010/2011 kan du søkje opptak til teknologisk, allmenndidaktisk, norsk og kunstfagleg profil.
For å koma inn på studiet må du ha ein av følgjande:
- tre- eller fireårig lærarutdanning
- lærarutdanning med cand. mag.-grad frå universitet eller høgskule
- bachelorgrad innanfor lærarutdanning eller tilsvarande utdanning.
I tillegg kjem eit krav om C eller tilsvarande, som samla karakter frå lærarutdanninga. I søknad til norsk og kunstfagleg profil må ein i dokumentere minst 60 sp fagleg fordjupning.
Retningslinjer for opptak finner du her
Gå til Søknadsweb
Kva jobbutsikter har du som ferdig utdanna?
Ei moderne lærarutdanning som gjev deg ein etterspurd kompetanse i bruk av digitale verktøy.
Med Kunnskapsløftet og aukande bruk av IKT elles i samfunnet, er behovet for arbeidskraft med pedagogisk IKT-kompetanse svært stort. Mange tidlegare studentar ved HSH arbeider i dag på høgskular, universitet, i grunnskule og på vidaregåande skular. Studiet rekrutterer òg arbeidskraft for andre offentlege og private næringslivsprosjekt.
Ønskjer du meir informasjon?
Ta kontakt med studiekonsulent direkte på e-post dersom du har spørsmål om utdanninga, HSH generelt eller opptak.
